Komisioni Shtetëror i Zgjedhjeve informon opinionin se sot (25.04.2025) ka mbajtur takim me Delegacionin – Komisionin për respektimin e obligimeve dhe zotimeve nga shtetet anëtare të Këshillit të Evropës – Komisioni Monitorues i Asamblesë Parlamentare të Këshillit të Evropës, i Republikës së Maqedonisë së Veriut, në përbërje nga Znj. Sibel Arslan, nga Zvicra – Grupi i Socialistëve, Demokratëve dhe të Gjelbërve, Z. Joseph O’Reilly, nga Irlanda, Grupi i Partisë Popullore Evropiane, dhe Agnieszka Szklana, Sekretare e Koisionit Monitorues të Asamblesë Parlamentare të Këshillit të Evropës.
Përfaqësuesit e delegacionit u njoftuan për aktivitetet e vazhdueshme dhe përgatitjet e KSHZ-së për organizimin e zgjedhjeve të ardhshme lokale në vitin 2025.
Përfaqësuesit e Delegacionit gjithashtu u njoftuan se KSHZ-ja është duke i ndërmarrë të gjitha aktivitetet në kuadër të kompetencave të saj dhe në bashkëpunim me institucionet tjera kompetente lidhur me organizimin e zgjedhjeve të ardhshme lokale në vitin 2025, si dhe që do do të inkuadrohet në mënyrë aktive me propozime të veta për ndryshimet e Kodit Zgjedhor.
Përfaqësuesit e Delegacionit shprehën kënaqësinë për punën e KSHZ-së për zgjedhjet e deritanishme dhe i uruan Komisionit sukses në zhvillimin e suksesshëm të zgjedhjeve të ardhshme lokale.
KOMISIONI SHTETËROR I ZGJEDHJEVE
