Државната изборна комисија Ве известува дека, согласно Ревидираниот роковник за продолжување на изборните дејствија за спроведување на предвремените избори за пратеници во Собранието на Република Северна Македонија, рокот за доставување на извештајот за реализирани услуги и фактурата која содржи примерок од објави од страна на печатените медиуми и електронските медиуми (интернет порталите) истекува денес, на 17 јули 2020 година.
Сепак, со цел медиумите да не бидат оштетени, горенаведениот рок ќе биде одложен и целосната документација печатените медиуми и електронските медиуми (интернет порталите) ќе можат да ја достават во следниве неколку дена без притоа да трпат какви било последици.
Со почит,
Тим за односи со јавност
