На седницата на Државната изборна комисија беше спроведена ждрепка со која се утврди редоследот на листите на кандидати за избор на Претседател на Републиката за 2024 година.
Овластените претставници на подносителите на листите на кандидати според азбучниот редослед на името на кандидатот влечеа број по кој се утврди единствената листа на кандидати:
1. Стево Пендаровски со реден број 1.
2. Гордана Сиљановска – Давкова со реден број 2.
3. Стевчо Јакимовски со реден број 3.
4. Бујар Османи со реден број 4.
5. Билјана Ванковска – Цветковска со реден број 5.
6. Арбен Таравари со реден број 6 и
7. Максим Димитриевски со реден број 7.
Согласно одредбите од Изборниот законик, Државната изборна комисија утврдената единствена листа на кандидати ќе ја објави во Службен весник на Република Северна Македонија.
Истовремено, Државната изборна комисија спроведе и ждрепка за распределба на локациите на рекламните паноа и билборди врз основа на член 78-а од Изборниот законик за Изборите за Претседател на Република Северна Македонија.
Донесените акти од оваа седница ќе бидат објавени на официјалната веб страница на Државната изборна комисија.
ДРЖАВНА ИЗБОРНА КОМИСИЈА
