Скопје – 8 мај 2024 – Државната изборна комисија беше домаќин на високи претставници од различни меѓународни тела за управување со изборите кои добија акредитации за набљудување на изборите во државата. Доаѓајќи од Грузија, Молдавија, Црна Гора, Украина и Косово, овие набљудувачи се интересираа за правната рамка за изборите во Македонија, процедурите пред и на денот на изборите, како и начинот на сумирање и презентирање на изборните резултати.
За време на нивната посета, меѓународните набљудувачи одржаа средба со претседателот, потпретседателката и членовите на Државната изборна комисија, кои ги воведоа во процесот на подготовки за спроведување на Претседателските и Парламентарните избори, како и во очекувањата од изборниот ден од аспект на организирање на слободни и фер избори. Набљудувачите беа особено импресионирани од напорите на Комисијата да обезбеди интегритет и правичност на изборите, поттикнувајќи постојано унапредување на демократијата во државата.
Делегацијата го посети и Собранието на Република Северна Македоноја, пришто се запозна со законодавната динамика на земјата. Ова искуство им понуди на набљудувачите подлабоко разбирање на структурата на управување на земјата и клучната улога на законодавниот дом.
Меѓународните набљудувачи беа импресионирани од нивото на професионализам на изборните органи на сите нивоа, како и од демократското однесување на гласачите на денот на изборите и нивната мотивација за учество на изборите. Тие го пофалија духот на соработка што го покажа Државната изборна комисија и ја повторија важноста на меѓународната соработка во промовирањето на демократските вредности ширум светот.
.
ДРЖАВНА ИЗБОРНА КОМИСИЈА
