Државната изборна комисија, во согласност со европското законодавство, Конвенцијата на ОН за правата на лицата со попреченост, домашната регулатива и интерните акти ќе склучи Меморандум за соработка со Здружението за промоција и развој на инклузивно општество Инклузива.

Основен приоритет на двете страни е преку реализација на целите од овој Меморандум да придонесат кон зголемување на поддршката на граѓаните со попреченост во сите сегменти и фази на изборниот процес, остварување на нивните гласачки права, унапредување на работата на изборната администрација во создавање на услови за унапредување на инклузивноста за гласачите со попреченост и успешно спроведување на инклузивни избори.

Потпишувањето на Меморандумот ќе се одржи утре (вторник,13 март) со почеток во 11 часот, во просториите на Државната изборна комисија (голема сала, 4 кат).

Чинот на потпишување проследен со изјави од потписниците е отворен за медиумите.

По повод Глобалниот ден на изборите, кој секоја година се одбележува во првиот четврток во февруари, на 1 февруари оваа година Стручната служба на Државната изборна комисија организира прв Отворен едукативен ден за граѓаните. Ова е прв пат од своето постоење Државната изборна комисија да ги отвори своите врати за граѓаните, а интенцијата е ваквите денови да станат редовна пракса.

На овој ден сите заинтересирани граѓани се добредојдени во просториите на Државната изборна комисија, каде ќе можат да проследат едукативна презентација преку која ќе се информираат околу остварувањето на своето избирачко право со особен фокус на водењето на Избирачкиот список.

Воедно граѓаните ќе можат да постават и прашања до вработените во Стручната служба на ДИК.

Во три термини во текот на денот, и тоа во 11:00, 13:00 и 15:00 часот, заинтересираните граѓани ќе можат да ја проследат едукативната тура во седиштето на ДИК (Бул. Св. Кирил и Методиј бр.54, 4-ти кат), или пак да се информираат околу остварувањето на своето избирачко право во некое од подрачните одделенија и канцеларии ( http://www.sec.mk/16000-2/ ).

Сите заинтересирани за централните настани во седиштето на ДИК, ги покануваме 10 минути пред одбраниот термин (11:00. 13:00 или 15:00 часот) да дојдат пред главниот влез на зградата на седиштето.
Групата од главниот влез до салата на 4-ти кат ќе ја водат вработени со беџови на Стручната служба на ДИК.

Важно за медиумите:

Изјава за медиумите по повод одбележувањето на Глобалниот ден на изборите во седиштето на ДИК закажуваме за во четврток, 1 февруари, во 12:00 часот.

Вашите екипи ќе можат да ги проследат едукативните тури и да снимаат кадри за ваши потреби.

Отворениот едукативен ден во подрачните одделенија и канцеларии на ДИК е отворен и за локалните ТВ и радио станици  кои можат да ги посетат и да проследат како тече одбележувањето на Глобалниот ден на изборите.

По повод денешните тврдења на г – динот Џабир Дерала во весникот Слободен печат во кои говори за “луксузен престој” на членовите на Државната изборна комисија во хотел Радика, 48 часа пред парламентарните избори во 2016 година, Државната изборна комисија остро ги демантира и ги отфрла ваквите наводи како тотално невистинити и тенденциозни.

Државната изборна комисија ја информира јавноста дека престојот во хотел Радика всушност беше РАБОТИЛНИЦА за постапување и решавање на поднесени приговори во пресрет на локалните избори и поттикнување на меѓуинституционална соработка која се одржа на 30 мај – 1 јуни 2017 година, со подршка на:

1. Мисијата на ОБСЕ во Скопје;
2. Венецијанската комисија;
3. Европската Унија;
4. Советот на Европа;
5. Меѓународната фондација за изборни системи – ИФЕС;

На оваа работилница присуствуваа претставници од повеке државни институции, невладини организации, Мисијата на ОБСЕ, Венецијанската комисија и Меѓународната фондација за изборни системи – ИФЕС.

На истата таа работилница присуствуваше и г-динот Џабир Дерала кој добро знае дека сите трошоци за престојот беа покриени од страна на Меѓународна фондација за изборни системи – ИФЕС и Мисијата на ОБСЕ во Скопје.

Демант на натписот од Слободен печат.pdf

Подносителите на листи на кандидати имаат право да поднесат приговори до ДИК за постапката за гласање, сумирање и утврдување на резултатите во рок од 48 часа по завршувањето на гласањето, односно 48 часа по објавувањето на првичните резултати.

Приговорите за постапката за гласање можат да се поднесуваат најдоцна до утре до 19 часот, додека рокот за поднесување на приговори за постапката за сумирање и утврдување на резултатите истекува во среда во 2 часот наутро.

ДИК е должна во рок од 48 часа по приемот на секој приговор да донесе одлука по истиот. Против одлуката на ДИК, подносителот на приговорот може да поднесе тужба до Управниот суд во рок од 24 часа.

Управниот суд е должен да донесе одлука во рок од 48 часа по приемот на тужбата.

Подносителите на листи на кандидати имаат право да поднесат приговори до ДИК за постапката за гласање, сумирање и утврдување на резултатите во рок од 48 часа по завршувањето на гласањето, односно 48 часа по објавувањето на првичните резултати.

Приговорите за постапката за гласање можат да се поднесуваат најдоцна до денеска, 17 октомври, до 19 часот.

Со оглед дека општинските изборни комисии ги објавуваат првичните резултати од изборите во рок од 7 часа по завршувањето на изборите врз основа на податоците од избирачките одбори, рокот за поднесување на приговори за постапката за сумирање и утврдување на резултатите истекува ноќва во 2 часот по полноќ.