Известување до ОИК 15.03.2019

Јавниот увид во Избирачкиот список започна на 23 февруари 2019 и заврши на 14 март 2019 година. Јавниот увид во Избирачкиот список се спроведе во подрачните одделенија и канцеларии на Државната изборна комисија и во 46 дополнителни канцеларии сместени во единиците на локалната самоуправа согласно Одлуката на Државната изборна комисја бр. 08-494/1 од 21.02.2019 година, во временски период од 09,00 до 19,00 часот, вклучувајќи ги и деновите од викенд и празници.

Јавниот увид се спроведе на Избирачкиот список со состојба на податоците на граѓаните и тоа:

• Граѓани со наполнети 18 години живот со важечка лична карта или пасош на денот на гласањето (21 април 2019 година),
• Умрени лица 30 дена пред распишувањето на изборите (9 јануари 2019 година) и
• Другите податоци од Избирачкиот список на денот на распишувањето на изборите (8 февруари 2019 година).

Во целост јавниот увид помина без никакви проблеми во редовна постапка согласно насоките и упатствата претходно дадени од страна на Државната изборна комисија.

Согласно податоците кои секојдневно се добиваа од страна на подрачните одделенија и канцеларии на Државната изборна комисија за увидот и промените во Избирачкиот список за целокупниот период од 23.02.2019 до 14.03.2019 година (20 работни дена), за спроведување на изборите за Претседател на Република Северна Македонија и на предвремените избори за Градоначалник на општините Охрид, Ново Село и Дебар кои ќе се одржат на 21.04.2019 година се доби следната состојба:

ВКУПНО: од 23.02 до 14.03.2019 година.

1. Граѓани кои извршиле проверка во избирачкиот список 53972 граѓани.
2. Граѓани за кои е донесено решение за запишување во ИС 517 граѓани.
3. Граѓани за кои е донесено решение за Бришење од ИС 412 граѓани.
4. Граѓани за кои е извршена промена на податоците во ИС 129 граѓани.
5. Граѓани со поништено живеалиште кои направиле увид во ИС 1 граѓани.

Составен дел на Извештајот е и табелата: Конечен преглед од јавен увид од 23.02 – 14.03.2019 година

На координативната средба помеѓу д-р Бујар Османи, заменик на претседателот на Владата на Република Северна Македонија и Национален ИПА координатор, која се одржа во просториите на Државната изборна комисија, се дискутираше за мерките и активностите кои се преземаат за непречено спроведување на Изборите за Претседател на Република Северна Македонија, 2019 година.

На средбата д-р Бујар Османи, заменик на претседателот на Владата на Република Северна Македонија и Национален ИПА координатор, покажа особен интерес за административно – техничките капацитети и потребите на Државната изборна комисија, со цел да се пресретнат и надминат сите евентуални проблеми или недостатци, за конечна позитивна слика на целокупниот изборен процес.

Двете страни ја нагласија важноста овие Избори да се спроведат во фер и демократска атмосфера, согласно позитивните законски прописи и меѓународното законодавство, кои ќе претставуваат важен индикатор и предуслов во напредокот на имплементацијата на Итните реформски приоритети, односно спроведување на Листата на приоритети од Планот 18 во делот на Изборите за испорачување на резултати кои ќе донесат позитивна оценка во извештајот на Европската комисија.

ДРЖАВНА ИЗБОРНА КОМИСИЈА

Државната изборна комисија, во согласност со европското законодавство, Конвенцијата на ОН за правата на лицата со попреченост, домашната регулатива и интерните акти ќе склучи Меморандум за соработка со Здружението за промоција и развој на инклузивно општество Инклузива.

Основен приоритет на двете страни е преку реализација на целите од овој Меморандум да придонесат кон зголемување на поддршката на граѓаните со попреченост во сите сегменти и фази на изборниот процес, остварување на нивните гласачки права, унапредување на работата на изборната администрација во создавање на услови за унапредување на инклузивноста за гласачите со попреченост и успешно спроведување на инклузивни избори.

Потпишувањето на Меморандумот ќе се одржи утре (вторник,13 март) со почеток во 11 часот, во просториите на Државната изборна комисија (голема сала, 4 кат).

Чинот на потпишување проследен со изјави од потписниците е отворен за медиумите.

По повод Глобалниот ден на изборите, кој секоја година се одбележува во првиот четврток во февруари, на 1 февруари оваа година Стручната служба на Државната изборна комисија организира прв Отворен едукативен ден за граѓаните. Ова е прв пат од своето постоење Државната изборна комисија да ги отвори своите врати за граѓаните, а интенцијата е ваквите денови да станат редовна пракса.

На овој ден сите заинтересирани граѓани се добредојдени во просториите на Државната изборна комисија, каде ќе можат да проследат едукативна презентација преку која ќе се информираат околу остварувањето на своето избирачко право со особен фокус на водењето на Избирачкиот список.

Воедно граѓаните ќе можат да постават и прашања до вработените во Стручната служба на ДИК.

Во три термини во текот на денот, и тоа во 11:00, 13:00 и 15:00 часот, заинтересираните граѓани ќе можат да ја проследат едукативната тура во седиштето на ДИК (Бул. Св. Кирил и Методиј бр.54, 4-ти кат), или пак да се информираат околу остварувањето на своето избирачко право во некое од подрачните одделенија и канцеларии ( http://www.sec.mk/16000-2/ ).

Сите заинтересирани за централните настани во седиштето на ДИК, ги покануваме 10 минути пред одбраниот термин (11:00. 13:00 или 15:00 часот) да дојдат пред главниот влез на зградата на седиштето.
Групата од главниот влез до салата на 4-ти кат ќе ја водат вработени со беџови на Стручната служба на ДИК.

Важно за медиумите:

Изјава за медиумите по повод одбележувањето на Глобалниот ден на изборите во седиштето на ДИК закажуваме за во четврток, 1 февруари, во 12:00 часот.

Вашите екипи ќе можат да ги проследат едукативните тури и да снимаат кадри за ваши потреби.

Отворениот едукативен ден во подрачните одделенија и канцеларии на ДИК е отворен и за локалните ТВ и радио станици  кои можат да ги посетат и да проследат како тече одбележувањето на Глобалниот ден на изборите.

ДИК најостро ги демантира дезинформациите пласирани во јавноста дека наводно “кратела од теренците за себеси да си даде бонус“.

Државната изборна комисија со цел да ја зголеми одговорноста за точноста при внесот на податоците од страна на општинските изборни комисии, за овие избори одлучи наместо внесот на податоци да се врши исклучиво од лица од Државниот завод за статистика, општинските изборни комисии да определат лица кои беа обучени од страна на ДИК за внес на податоци.

Од тие причини е намален бројот на ангажираните лица од ДСЗ за внес на податоци на само едно лице по општинска изборна комисија. Наведените лица се ангажирани само на изборниот ден по 19 часот, односно по пристигнувањето на податоците од гласањето.

Државната изборна комисија за сите ангажирани лица од ДСЗ обезбеди авансни средства за транспорт и други трошоци, а на повеќе од 15 лица им беше платено и спиење.

Покрај платените патни и други трошоци, секое ангажирано лице од ДЗС доби надоместок од 2000 денари за ангажман не повеќе од 8 часа, идентичен надоместок како и претходните избори.

Соопштение за медиуми 06.12.2017.pdf