Решение за распишување на предвремени избори за пратеници во Собрание на Република Северна Македонија.pdf

Државната изборна комисија согласно условите пропишани во „Програма за задолжителна едукација на општинската изборна комисија, избирачкиот одбор за гласање во Република Северна Македонија и избирачките одбори за гласање во странство”, за Предвремените избори за Пратеници во Собранието на Република Северна Македонија 2020, објавува

ПОВИК ЗА ПРИЈАВУВАЊЕ

НА ЗАИНТЕРЕСИРАНИ КАНДИДАТИ ДА БИДАТ СОРАБОТНИЦИ НА

ТИМОТ ЗА ЕДУКАЦИЈА НА ДИК

Од заинтересираните кандидати ќе се селектираат најмногу 25 кандидати.

Од кандидати кои ќе ја поминат селекцијата се бара:

• Да ја посетуваат обуката за „Обука на обучувачи“ во траење од 5 дена, со цел да се зајакне знаењето и вештините на кандидатите за вршење обука/едукација на возрасни лица за изборниот процес и за одговорностите на изборните органи и сите вклучени страни и

• Тековна програма за менторска поддршка од страна на вработените во Секторот за едукација на ДИК.

ДИК ќе додели сертификати на кандидатите кои успешно ќе ја поминат обуката за обучувачи и процесот на селекција. Сертифицираните кандидати ќе имаат задача да спроведуваат обуки / сесии за едукација на општинските изборни комисии и на избирачките одбори според утврдените потреби и програмата, усвоена од ДИК, согласно роковникот за организација на Предвремените избори за Пратеници во Собранието на Република Северна Македонија 2020.

Услови кои треба да ги исполнува кандидатот:

1. Да е државјанин на Република Северна Македонија (се докажува со копија од важечка лична карта и/или пасош);

2. Да има завршено високо образование (се докажува со копија од Диплома и/или Уверение за завршено високо образование);

3. Искуство во спроведување обуки во организација на граѓански организации и/или јавна администрација од областа на правниот и/или политичкиот систем (се докажува со копија од сертификати, потврди и/или уверенија);

4. Претходни искуства во изборниот процес ќе се смета за предност (се докажува со копија од сертификати, потврди и/или уверенија)

Одговорности:

• Подготовка и спроведување на обуки за општинските изборни комисии и избирачки одбори за подготовка на Предвремените избори за Пратеници во Собранието на Република Северна Македонија 2020;

• Спроведување на обуките за време на работни денови, денови на викенд и државни празници;

• Заедничко работење со тим на обучувачи под водство на ментори од ДИК;

• Патувања низ државата, согласно потребите;

Заинтересираните кандидати, своите пријави (комплет со CV и потребните докази) да ги достѕават најдоцна до 14:00 часот на 08.01.2020 година (среда) на следната адреса: бул. Св. Кирил и Методиј бр. 54, 1000 Скопје или електронски на следниот е-маил : [email protected]

                                                                                                                       ДРЖАВНА ИЗБОРНА КОМИСИЈА

                                                                                                                                 ПРЕТСЕДАТЕЛ

                                                                                                                                  Оливер Деркоски

На 9 јули 2019 година, Државната изборна комисија ја одржа својата 45 седница на која беше разгледан и усвоен Извештајот на Државната изборната комисија за преземените работи согласно член 153 од Изборниот законик, за прифаќање на остатокот на мандатот за пратеник во Собранието на Република Северна Македонија, согласно Известувањето од Претседателот на Собранието на Република Северна Македонија, број 08 – 3656 / 15 од 09.07.2019 година, со кој Државната изборна комисија беше известена за престанок на мандатот на пратеникот Весел Мемеди. На негов место, до крајот на мандатот пратеник стана Арта Точи. На новоизбраниот пратеник, Држаавната изборна комисија и врачи уверение за избран пратеник. Извештајот беше доставен до Собранието на Република Северна Македонија.

Извештај за спроведените избори за Претседател на Република Северна Македонија одржани на 21 април и 5 мај 2019 година.pdf

Решение од Апелационен суд Скопје – ТСЖ – 897/19, во правната работа на предлагачот Трговско Радиодифузно Друштво 1 ТВ ДООЕЛ Скопје против противникот Државна Изборна Комисија

Упатство за начин на реализација на средствата за исплата на надоместоци на членовите на изборната администрација 2019

Заклучок за завршување на Претседателските избори 2019

На 41-та седница на Државната изборна комисија, која се одржа на 11.5.2019 година, се донесе Заклучокот за објавување на конечните резултати од вториот круг на гласање од Изборите за избор на Претседател на Републиката, со кој резултатите од гласањето стануваат конечни имајќи предвид дека во законскиот рок до Управниот суд на Република Северна Македонија и до Државната изборна комисија нема поднесено тужба за заштита на избирачкото право на подносителите на листите на кандидат.

Имено, Државната изборна комисија врз основа на податоците во доставените записници од избирачките одбори, општинските изборни комисии, целокупниот изборен материјал и по донесените решенија од Државната изборна комисија, утврди дека од вкупно запишаните 1.808.131 избирачи во заклучениот Избирачки список, гласале 843.508 избирачи, што во проценти изнесува 46,65%. Според пресметаните и утврдените резултати од гласањето спроведено на 5.5.2019 година и донесените решенија на Државната изборна комисија, вкупниот број на гласови што го добила секоја Листа на кандидат за претседател пооделно изнесува:

-кандидатот Гордана Сиљановска Давкова, добила 377.446 гласа, што во процент изнесува 44,75%

-кандидатот Стево Пендаровски, добил 435.656 гласа, што во процент изнесува 51,65%.

Согласно тоа, според пресметаните и утврдените резултати од гласањето, а врз основа на член 121 став (3) од Изборниот законик, Државната изборна комисија утврди дека Стево Пендаровски е избран за Претседател на Републиката, како кандидат кој добил мнозинство гласови од избирачите кои гласале.

Истовремено, на седницата се донесе Заклучокот според кој со објавата на конечните резултати од Изборите за избор на Претседател на Републиката, се завршени Претседателските избори 2019 година.

ДРЖАВНА ИЗБОРНА КОМИСИЈА